Daw halos tanan nga mga kabataan karon pamilyar kag nagalantaw gid sang cartoons agud malingaw, kaangay na lamang sang “Peppa Pig.”
Kun halos adlaw-adlaw mo ni ginalantaw, panigurado saulado mo man ang music sini. Ini ang nangin pamaagi nga napinsaran sang kapulisan agud makita ang isa ka bata nga may kondisyon nga autism nga inoras na nga nadula sa isa ka lugar sa China.
Si Lu, isa ka walo ka-tuig nga bata ang nadula sadto nga mga tinion diin tuman gid ang pagkabalaka sang iya ginikanan ilabi na bangud sa kondisyon sini.
Sang nagresponde ang otoridad, nabudlayan ang mga ini sang pgpangita bangud sa guba man nga CCTV camera sa building. Anum ka oras naglawig ang pagpangita-ay diin naabtan na ang mga ini sang kaagahon.
Sang sadto nga mga tinion, nareyalisar sang mga kapulisan nga may mga autism nga wala nagasabat kun tawgon, didto ginpatunog sang otoridad ang theme song sang Peppa Pig, ang paborito nga cartoons sang bata.
Gilayon lang nakabati sang pagkalas ang kapulisan kag sang ila ginsundan diin gahalin ang tunog, didto nadiskubrehan nga nagsaka gali ang bata sa rooftop kag nahulog sa hagdan diin na-trap ini sa pader.
Gilayon gin-rescue ang bata kag ginpa check-up sa ospital. Nakakuha naman sang pagdayaw halin sa mga netizen ang nasiling nga mga pulis.
