KABANKALAN CITY- Ginluthang patay ang magtiyo sa Sitio Pitgong, Barangay Oringao, ciudad sang Kabankalan, pasado las-3 sang hapon, adlaw sang Domingo, Hunyo 2.
Ang biktima ginkilala nanday Loreto Delos Santos, 53-anyos, residente sang Purok Mansawin, Barangay Oringao, kag Raniel Delos Santos, 40-anyos, sang Purok Bakwit, Pinamos-an Barangay Camingawan sa amo nga ciudad.
Base sa pahayag ni Police Major Joelan Vinson, padayon pa ang imbestigasyon sang mga kapulisan natuhoy sa insidente bangod nabukid nga bahin ini sang ciudad, apang ginalantaw nila ang isa ka anggulo nga personal grudge rason sa pagpatay sa magtiyo.
Nahibaluan nga gintiro sang makapila ka beses ang mga biktima sang wala pa matumod nga suspetsado, nga nangin tunaan sang ila kamatayon.
