Apektado sang ash fall ang mga residente sa pila ka mga barangay sa banwa sang La Castellana kag ciudad sang La Carlota kagab-i kasunod sang phreatic eruptions sang Bulkan Kanlaon.
Bangud sang pagtupa sang abo kag pagpanimaho sang asupre may pila ka mga residente nga nag-evacuate na kagab-i.
Sa duha ka mga evacuation centers sa La Castellana may yara na sang 180 families kag 765 individuals ang nag-evacuate gikan sa Brgy. Biak na Bato, Cabagnaan, Mansalanao, Masulog, Sag-ang, Camandag kag Robles.
Samtang may mga residente man sa Sitio Guintubdan, Brgy. Ara-al, Yubo kag Haguimit sa La Carlota City ang nag-evacuate man.
Ang ciudad ang nagpahamtang man sang mga tents sa ila nga evacuation center kagab-i.