Isa ka estudyante sa ciudad sang Sagay ginadayaw bangud sa abilidad sini sa pag drawing apisar sa iya kasablagan sa lawas.
Si Kim Ganzon, isa ka Grade 11 student sang Sagay National High School ang naga excel bilang Editorial Cartoonist sang Sigay School Publication bisan pa inborn nga kumpol ang iya sini nga mga kamot kag tiil Bangud sang dedikasyon ni Kim sa pagdrawing, ginatulod man ini sang iya school paper adviser nga si sir Rene Jun Arnado Gasper nga magpakigbahin sa Press Conference.
Aktibo sa pag-intra sa mga competition si Kim halin pa sang naga eskwela ini sa Bulanon Farm School.
Nahibaluan nga bisan ang kumpol nga tiil ni Kim ang iya man ginagamit sa pag-drawing.
Siya ang naga upload videos sa iya tiktok account diin makita diri ang iya pag-practice drawing gamit ang iya tiil diin ginahigot nya lang ang lapisa sa iya nga batiis. Pila ka mga netizens ang nag-bilib man bangud sa talento ni Kim
