Ginatugyan sang DOST-PHIVOLCS sa mga local government units ang pagpauli na sang mga evacuees kasunod sang phreatic eruptions sang Mount Canlaon, Hunyo 3, 2024 sang gab-i.
Suno kay Mari-Andylene Quintia, resident volcanologist sa Kanlaon Observatory sa La Granja, La Carlota City, karon yara sa Alert Level 2 ang bulkan ang ginadumilian lamang ang pagsulod sa 4-kilometer permanent danger zone (PMZ).
Gin-athag man ni Quintia nga wala pa sa 6-km ang PMZ. Magasaka lamang sa 6-km ang PMZ kon ipasaka na sa Alert Level 3 ang bulkan. Kahapon, nagdangat sa 4,113 tonnes/day ang sulfur dioxide emission sang Bulkan Kanlaon.
