Masobra sa P600,000 ang kahalitan sa nagluntad nga residential fire Purok Santol, Brgy. Mandalagan, Bacolod City, Negros Occidental, pasado la-una sang hapon, Hunyo 5, 2024.
Duha ka balay ang totally damaged kag isa naman ang partially damaged. Ang duha ka naupos nga balay ang ginapanag-iyahan nanday Jasmin Nuñez, sa diin nagsugod ang kalayo kag Jovel Jalave.
Ang partially damaged nga balay ang ginapanag-iyahan naman ni Evagilene Tumabienne. Padayon pa ang imbestigasyon sang Bureau of Fire Protection (BFP) sa insidente ilabi na sa gintunaan sang kalayo.
Nagdangat sa P630,000 ang balor sang kahalitan sa tatlo ka mga puluy-an.
