Wala naka-renew sang business clearance sa Brgy. Villamonte sini nga 2024 ang ginareklamo nga lechonan ni former Bacolod Councilor Cano Tan.
Ini ang pahayag ni Punong Barangay Rommel Flores matapos nalakip ini sa mga ginpasakaan reklamo ni Tan bangud sang paghatag sang business permit sa Acebuche Lechonan stall sa dalan Burgos apisar nga nagatindog ini sa city road lot.
Suno kay Flores, wala man ini nakapirma sa business clearance sang stall para sa sini nga tuig.
Paathag ni Flores, ang obligasyon lamang sa barangay sa paghatag sang business clearance sa mga negosyo amo nga masiguro nga sa ila mismo lugar nagatindog ang establisiyimento.
Suno pa sa punong barangay, indi na nila obligasyon ang pag-check sang mga right of way santo sa ginareklamo ni Tan nga may yara sang commercial establishment sa likod sang Acebuche lechonan.
