Kadamo na sang matag-as nga bukid nga kinahiligan gid i-explore sang nga mountain climbers.
Apang nakakita kana bala sang pinakanubo nga bukid? Bisan duha katuig nga bata makasarang saka diri.
Ini ang Benten Mountain sa Tokushima Prefecture ang ginakilala nga shortest natural mountain sa pungsod Japan.
Ini ang nagataas lang sang 6.1 meters kag may kalaparon nga 60 meters. Ang Benten ang isa man sa mga ginakabig nga pinakagamay nga bukid sa bug-os nga kalibutan.
Kada tuig, kapin 10,000 ka mga tawo ang makalab-ot sa summit ukon pinakababaw nga parte sang ini nga bukid.
Pila sa mga ginkahangaan gid sang mga tawo sa ini nga bukid amo ang makita diri nga wax tree kag nagkalain-lain nga sahi sang bulak.
Opisyal nga ginbuksan liwat ang BenTen sa publiko sini lamang nga Hunyo bilang kabahin sang “First Climb of the New Year” event. Sa Japan man makita ang isa sa pinakataas nga bukid sa kalibutan, ang Mount Fuji.
