Nagpadala sang 300 ka pulis ang Police Regional Office (PRO) 6 para magbulig sa mga apektado sang Canlaon eruption sa banwa sang La Castellana.
Suno kay Lt. Colonel Arnel Solis, spokesperson sang PRO-6, ini nga mga pulis ang kabahin sang reserve standby force sa Negros Occidental Police Provincial Office (NOCPPO).
Nagbulig man ang regional mobile force battalion. Suno kay Solis, magatiner sa La Castellana ang nasambit nga mga pulis tubtob nagapadayon ang aktbidad sang Bulkan Kanlaon.
Magabalik ang mga ini sa mother units kon may yara na sang abiso gikan sa lead units nga deployed para sa mga rescue kag evacuation efforts sa La Castellana.
