Personal nga gindul-ong ni Bacolod City Mayor Albee Benitez ang P1 million nga balor sang food kag non-food relief items sa mga apektado sang paglupok sang Bulkan Kanlaon sa banwa sang La Castellana.
Ang relief assistance ang ginalakipan sang bugas, canned goods, hygiene kits, habol, bath towels, mosquito nets, water jag coantiners kag 26,000 liters sang domestic water.
Upod man ni Mayor Albee ang iya anak nga si Victorias City Mayor Javi Benitez. Magluwas sa mag-amay nga alkalde, nag-upod man padulong sa La Castellana ang mga kapitan sang Brgy.
Sum-ag nga si Rodney Carmona kag JR Alcantara sang Brgy. 12. Yara man ang anay kapitan kag karon kagawad sang Brgy.
Singcang nga si Rosinie Distrito kag DRRMO head, Dr. Anna Pornan. Personal naman nga ginbaton ni La Castellana Mayor Alme Rhummyla Nicor-Mangilimutan ang bulig sang ciudad sang Bacolod.
