WORLD NEWS- Patay ang 274 ka mga Palestinians samtang ginapatigayon sang Israel ang rescue operation para sa mga hostages, lakip na ang mga kabataan kag sibilyan santo sa Hamas-run health ministry sa Gaza.
Sadtong Sabado, Hunyo 8, nagluntad ang kinagamo sa tunga sang Israeli forces kag Hamas lakipan pa sang air strikes sa palibot sang Nuseirat refugee camp, kun sa diin ginpahilway sang Hamas ang mga hostages. Luwas sa katalagman ang apat ka mga hostages nanday Noa Argamani, 26, Almog Meir Jan, 22, Andrei Kozlov, 27, kag Shlomi Ziv, 41 nga ginkuha sadtong Oktubre 7 sang tinalikdan nga tuig sa Nova Music Festival.
Apang napuno sa kritisismo ang ginpatigayon nga operasyon kag ini ang ginkondenar ni European Union Foreign Affairs Chief Josep Borrell bangod madamo sang naulamid kag nagkalamatay nga sibilyan.
