𝗕𝗔𝗕𝗔𝗬𝗘 𝗦𝗔 𝗜𝗡𝗗𝗢𝗡𝗘𝗦𝗜𝗔, 𝗚𝗜𝗡𝗧𝗨𝗟𝗢𝗡 𝗦𝗔𝗡𝗚 𝗠𝗔𝗡-𝗢𝗚
Nasapwan nga patay sa tyan sang isa ka man-og ang isa ka babaye sa Indonesia.
Base sa report sang kapulisan sang Sabado, Byernes sang nasapwan ang 45 anyos nga si Farid sa tyan sang magkal nga nagalaba sang lima ka metro (16 feet).
Huwebes pa sang nadula ang biktima sa Kalempang village sa South Sulawesi province.
Sa pagpangita kay Farid, nakita ang mga bayo sini gani ginsuhot sang mga pumuluyo ang bilog nga area kag nakita ang isa ka man-og nga may nagahabok nga tyan.
Nahisugtan nga buksan ang tyan sang sapat kag didto nasapwan ang patay na nga biktima.
Malaka apang indi tumalagsahon ang amo nga insedente, bangud nga pila na ka tawo ang napatay matapos ginpangkaon sang mga man-og sa Indonesia.
Sang 2023, isa ka pumuluyo sa Tinanggea district sa Southeast Sulawesi ang ginkaon sang walo ka metros nga python.
Sang 2018, isa man ka 54-anyos nga babaye ang nasapwan sa sulod sang isa ka seven-meter python sa Muna town sa Southeast Sulawesi.
Kag antes ang amo nga tuig, isa ka mangunguma sa West Sulawesi ang ginkaon man sang apat ka metros nga magkal sa isa ka palm oil plantation. | via RMN Iloilo
By: EPinasas
