Ginpabutyag sang Presidential Communications Office nga ang tanan nga government agencies and instrumentalities, lakip na ang government-owned or -controlled corporations kag mga educational institutions ang ginmanduan nga himuon ang recitation sang Bagong Pilipinas Hymn and Pledge sa ila semanahan nga flag ceremonies.
Sa June 4, 2024 nga memorandum nga pirmado ni Executive Secretary Lucas Bersamin, ginamanduan sini ang mga pamunuan sang tanan nga relevant institutions nga himuon ang nasambit nga hilikuton.
Sa karon tanan nga government offices, lakip na ang mga local government units, nagapatigayon sang flag-raising ceremony kada Lunes sang aga kag ang flag-lowering ceremony kada Biyernes sang hapon.
