Indi pa ulihi ang tanan. Ini ang panugyan sang 54 anyus nga si Nanay Jennifer Cañamo sang banwa sang Calatrava matapos nga nagtapos sa kurso nga Bachelor of Science in Agriculture Major in Crop Science sa State University of Northern Negros (SUNN).
Sa interview sang DYHB ginpahayag ni Cañamo nga ang iya advice sa mga wala nakatapos sa pagtu-on amo nga padayon lang sa pagsakripisyo bangud sa bulig sang Dios, ila gid malab-ot ang ila mga handum.
“Edad is just a number, Dili rason ang kapigaduhon para indi makatapos sa pag-eskwela” pahayag ni Nanay Jennifer sa interview sang Hello Bacolod, Hello World Progam.
Suno pa kay Nanay nga dapat maningwa gid sa pagtu-on bangud nga ang edukasyon ang makapabag-o sa kabuhi sang taho. Dugang pa niya nga indi man sila manggaranon apang ila gintingwa-an nga mapa-eskwela sa kolehiyo ang apat sini ka mga kabata-an.
Sa karon sanday Nanay Jennifer ang may tatlo na ka professionals samtang ang isa ang nagakuha sang karon sang BS Criminology. Ginpahayag ni Cañamo nga nagkuha ini sang kurso nga agrikultura bangud nga luyag sini nga magplastar sang husto ang ila pananum base naman sa demand sa merkado.
“Pinagusto lang kami tanum sang utan bisan nga wala sang demand, daku pa ginansya sang middle man sang sa mga farmers”, dugang nga pahayag ni Nanay Jennifer sa interview sang DYHB’s magazine program.
Nahibalu-an nga bangud nga may pamilya na si Nanay Jennifer kag wala pa nakatapos sang basic education, nag-enroll ini sa Alternative Learning System (ALS) antis magswkela sa SUNN.
Daku man ang nabulig sang scholarship grant sang SRA para kay Cañamo agud matapos sini ang iya kurso sa kolehiyo sa edad nga 54 anyus.
