Isa ka farmers group ang nagapanawagan nga mag-resign na sa pwesto si National Economic and Development Authority (NEDA) Secretary Arsenio Balisacan, kasunod sang plano nga panabuon ang taripa sa imported nga bugas.
Suno kay Pambansang Mannalon, Mag-uuma, Magbabaul, Magsasaka ng Pilipinas (P4MP) president Anong Manalo, wala na sa husto nga paminsaron si Balisacan gani dapat nga mag-resign na ini sa pwesto bangud nga ang pagpanubo sang taripa sa imported nga bugas indi man makapanubo sang presyuhanay sa merkado.
Ini matapos nga sang nagligad nga semana gin-aprubahan sang NEDA board nga panubuan sa 15 percent gikan sa 35 percent ang taripa sa in-quota kag out-quota rates tubtob sa 2028.
