![](https://rmnbacolod.com/wp-content/uploads/2024/06/442419073_477043671666082_2234014265667072993_n.jpg)
BACOLOD CITY- Nagdugang sang 2 million liters per day nga water supply ang PrimeWater kaupod sang Bacolod City Water District (BACIWA) pinaagi sa pipeline project sa bahin sang Circumferential Road, Barangay Bata ciudad sang Bacolod.
Ang transmission sang amo nga proyekto ang may kalabaon nga 1.12 kilometers nagikan sa Forbes Hill padulong dalan Circumferential kag Airport-Silay.
Ang magabenepisyo sa suplay sang tubig sa amo nga linya sang tubo, ang mga konsumedor sang Eroreco, Brgy.
Bata kag Mandalagan. Suno kay PrimeWater Branch Manager Farah Jenny Monteclaro, nga ang ini nga proyekto ang isa lamang sa mga nangin inisyatibo sang kompaniya agod masiguro nga mahatag ang nagakaigo nga suplay kag dekalidad nga tubig para sa ciudad.
Madumduman sang tinalikdan nga Mayo 31, may dugang na nga 5MLD nga supply sang tubig nagikan naman sa Bocal-bocal spring sa Brgy. Alangilan.