Naglab-ut na sa 3,192 ang kabilugan nga kaso sang dengue sa Western Visayas umpisa Enero 1 tubtub Mayo 25 subong nga 2024.
Mas taas ini sang 22 percent kon ikumparar sa 2,606 cases sa pareho nga period sadtong 2023.
Base sa datos sang Department of Health (DOH) Region 6, 259 sa sini nga mga kaso ang nagdugang sadtong Mayo 19 tubtub 25 ukon sa Morbidity Week 21.
Sa nasambit nga semana, pinakadamo ang nagdugang gikan sa probinsya sang Iloilo nga may 105. Ginasundan ini sang Negros Occidental – 47; Capiz – 31; Aklan – 28; Antique – 14; ciudad sang Bacolod – 10 kag ciudad sang Iloilo – 8.
Nagapabilin naman sa walo ang total deaths sa rehiyon bangud sa dengue.
