Nagalaom si 5th District Congressman Dino Yulo nga maka-convene na ang Technical Working Group (TWG) sa labing madali nga panahon para sa Republic Act 12000 ukon Negros Island Region Act.
Suno kay Congressman Yulo, ang TWG ang bug-usan sang mga gobernador kag mamalidha sang Negros Oriental, Negros Occidental kag Siquijor, National Economic and Development Authority (NEDA), Department of Budget and Management (DBM), Department of the Interior Local Government (DILG) kag iban pa nga ahensiya sang gobyerno.
Nagalaom man si Yulo nga masuguran na ang pag-proseso sang budget para sa bag-o nga rehiyon ilabi pa nga matapos ang State of the Nation Address (SONA) ni President Bongbong Marcos Jr. sa Hulyo magapasa na ini sang proposed budget para sa 2025.
Dugang pa sang kongresista, ang pagpirma sang presidente sang RA 12000 ang nagtuman sang madugay na nga handom nga mag-isa ang mga Negrosanon lakip naman ang mga taga-Siquijor.
Ginalantaw man sini nga ang pagtukod sang NIR ang makatuga sang pag-umwad sa iya distrito ilabi pa nga lima sa anom ka mga banwa sa iya nasakupan ang may boundaries sa oriental.
