BACOLOD CITY- Nakompiskar ang kapin P1,394,000 nga balor sang ginapatihan shabu sa mag-lolo nga may kabug-aton nga kapin 205 grams sa Purok Lubi Barangay 3 ciudad sang Bacolod, las-12 sang kaagahon, adlaw sang Domingo, Hunyo 16.
Ang drug buy bust operation ang ginpangunahan sang Bacolod City Drug Enforcement Unit team kag natigayon nga naaresto ang lolo nga si Wilfrando Francia, 61-anyos, samtang ang apo amo si Belmer Francia, 21-anyos, kag lunsay residente sa amo nga lugar.
Nahunong sa karun ang mga arestado sa Bacolod City Police Station 2 para sa nagakaigo nga disposisyon.
