Nagdangat sa 443 ka mga violators ang naaresto sang Police Regional Office (PRO) 6 sa week-long simultaneous anti-criminality kag law enforcement operations sa bug-os nga rehiyon nga napetsahan Hunyo 10-16, 2024.
Nagdangat sa 109 ka mga suspek ang naaresto sa kampanya kontra iligal nga druga kag 112 naman sa illegal gambling.
Samtang 204 ka mga wanted persons ang naaresto kag 18 ka mga loose firearms ang nakumpiskar. Kadungan sini ang pagkilala ni PRO-6 Director Brigadier General Jack L Wanky, sa kontribusyon sang nagkalain-lain nga police units sa kabug-usan sang Western Visayas sa pagpatuman sang kasuguan sa ila tagsa ka hurisdiksyon.
