Ginpahayag ni Bacolod Congressman Greg Gasataya nga manugtapos na ang phase 1 sang Bacolod City General Hospital.
Magluwas sang site development sa gindonar nga duta sang pamilya Gensoli sa Barangay Vista Alegre, ang first phase sang city hospital amo ang construction sang ancillary building nga ginalakipan sang dietary building, morgue kag linen and laundry office.
Suno kay Congressman Gasataya nga ila anay tapuson ang infrastructure sang ospital antis magrequest sang pondo para sa medical equipment sa diin nalakip na ini sa plano sang Department of Health (DOH).
Gindugang pa sang kongresista nga nagapadayon man ang construction sang main building nga nalakip sa phase 2 and 3 sang proyekto.
Ang Bacolod City General Hospital ang four-storey building nga may 100-bed capacity. Ini ang ginalauman nga matapos sa masunod nga tuig, 2025.
