Pilason ang operator matapos nga mahulog kaupod sang ginmaneho nga backhoe sa pika-pika nga gina-ubra nga road widening project sa bahin sang Barangay Pandanon banwa sang Don Salvador Benedicto, pasado las-2 sang hapon, sini nga Martes, Hunyo 18.
Ang backhoe operator ginkilala nga si Reymund Arante nga nagatrabaho sa Wilkinson Construction Company.
Base sa interview sang DYHB kay Jonathan Caballero, foreman sa amo nga proyekto, gulpiyada lang nagdalusdos ang duta amo nga nahulog sa kapin 15 tubtob 20 metros ang backhoe.
Nakaagom sang pilas sa kamot si Arante apang yara na ini sa maayo kahimtangan.
