Buwaya nga nagapangkaon mga ido sa isa ka lugar sa Australia, ginkatay kag gin-caldo Isa ka buwaya nga nagapangkaon sang ido sa isa ka lugar sa Australia ginkatay kag ginluto bilang sinabawan sang pila ka mga residente agud mauntat na ang dala sini nga pagpamahog sa lugar.
Sinabawan nga crocodile ang gindangtan sang isa ka buwaya matapos matalupangdan nga ginpanglamon sini ang mga ido kag nagapangtiktik ini sa hulag sang mga kabataan sa Bulla community Nahibaluan nga bangud sang tuman nga pagbaha, nagtalang kag nag istar ang isa ka buwaya sa Baines River, nahamtang malamit sa gina istaran sang madamo nga mga pumuluyo.
Isa sa ka konsultasyon ang ginpatigayon sa tunga sang mga land owners kag otoridad diin ginkasugtan nga tiruhon na lang ang buwaya. Pagkatapos gintiro ang buwaya, halos nag sinadya ang tanan nga pumuluyo kaangay lang nga may fiesta sa lugar kag diri ila ginpang tunga-tunga ang lawas sang buwaya agud lutuon.
Magluwas sa crocodile soup, may yara sang may nag sugba sa unod sini, may nagluto sang menudo nga buwaya kag iban pa.
