BACOLOD CITY- Kapin sa 300-500 ka mga personnel ang makigbahin sa Regional Marine Pollution Exercise (MARPOLEX) sang Philippine Coast Guard sa Hunyo 24 tubtob 28, 2024 diri sa ciudad sang Bacolod.
Suno kay Coast Guard Station Northern Negros Commander Paterno Belarmino, magluwas sa PCG personnel suportado man ni sang local Philippine National Police (PNP) members kag iban pa nga ahensiya sang gobyerno.
Once every two years lamang ginapatigayon ang MARPOLEX. Mangin kabahin man sa ini nga aktibidad ang mga Coast Guards gikan sa Pilipinas, Japan kag Indonesia.
Sa isa ka semana nga aktibidad, sila ang magapatigayon sang search and rescue, firefighting, oil spill recovery operation, equipment recovery kag damage assessment operations sa baybayon malapit sa Banago Port.
Ang ini nga programa ang kabahin sang mandato sa PCG nga protektahan ang palibot bilang pagsunod sa Republic Act 9993 ukon ang Philippine Coast Guard Law of 2009. Ginapasiguro naman ni Belarmino nga indi maapektuhan sang MARPOLEX ang byahe sang mga fast craft kag RO-RO vessels.
