MANILA – Indi makonsedera nga armed attack ang ginhimo sang China sa Ayungin ukon Second Thomas Shoal.
Ini ang pahayag ni National Task Force for the West Philippine Sea spokesperson Philippine Coast Guard Commodore Jay Tarriela.
Suno Kay Tarriela Tuyo lang nga balagan sang China ang resupply mission sang Pilipinas sa BRP Sierra Madre.
Una na nga nagpabutyag ang Department of Foreign Affairs nga dapat mangin sinsero kag responsabli ang China kag indi pag-ibutang sa katalagman ang kabuhi sang nga personnel kag pagkaguba sang barko.
Ang US kag Pilipinas kag pila ka mga security partners ang nagpaguwa sang pahayag nga tuman ka delikado kag agresibo ang ginhimo sang China sa West Philippine Sea nga kabahin sang teritoryo sang Pilipinas.
