Patay ang apat ka mga persona samtang pilason ang tatlo ka iban pa sa aksidente nga nagluntad sa Barangay Batinguel, ciudad sang Dumaguete, Negros Oriental, Sabado, June 22.
Base sa report sang Negros Oriental Police Provincial Office (NOPPO), isa ka lalaki kag tatlo ka mga babaye ang napatay nga sakay sang Toyota Avanza samtang pilason naman ang iban pa nga naga-edad sang 15, 17 kag 19. Las 4 sang kaagahon nagabyahe ang mga biktima sang nakabunggo ang mga ini sa truck nga gikan sa pihak nga direksyon sa kurbada nga bahin sang diversion road.
Nadakpan naman ang 43 anyos nga driver sang cement mixer truck nga magapangatubang sang kaso nga reckless imprudence resulting in multiple homicides and multiple physical injuries.
