WORLD NEWS- Patay ang kapin 42 ka mga persona matapos ang liwat nga pagpang-atake sang Israel sa Gaza City kun sa diin nahamtang ang enclave sang mga Palestinian.
Nangin biktima sa pagpang-atake ang mga puluy-an sa Al-Shati, isa sa walo ka mga historic refugee camp sa Gaza Strip kun sa diin 24 ka mga persona ang napatay diri.
Nagtaliwan man ang 18 ka mga Palestinian sa pagpang-atake sa bahin sang Al-Tuffah. Santo sa pahayag sang mga militar sang Israel nga nag-atake ang IDF fighter jet sa duha ka mga military infrastructure site sang Hamas.
Wala naman sang komento ang Hamas natuhoy sa gina-angkon sang Israel nga pagpang-atake.
