May yara sang mga nagapati nga indi ka madutlan sang bala kun may anting-anting ka nga ginasuksok.
Kaangay sang natabo sa isa ka lalaki sa Colorado, USA, pero indi amulet ang nakaluwas sa iya kundi ang iya silver nga kulintas.
Ginkumpirma mismo sang Commerce City Police Department ang natabo nga insidente diin ila ginpahayag nga una nagbina-isay ang duha ka mga lalaki rason nga naimpito ang isa kag gintiro ang biktima sa liog sini.
Imbes nga direkta sa liog ang igu sang biktima, nagtupa ang bala sa mismo silver necklace sang biktima kag nasagang ang posible lala nga injury sini.
Ang silver chain necklace sang biktima ang may kalaparon nga 10 millimeters, insakto lang nga makasagang sang bala sang .22 caliber nga pusil.
Imbes nga kamatayon ang madangtan sang lalaki, nakaangkon lang ini sang puncture wound. Sa pihak nga bahin, magapangatubang naman sang kaso nga homecide ang suspek.
