Naigo sang kilat samtang nagabao-bao sang talamnan si Neil Patrick Sarmiento, 21 anyos, nagapuyo sa Sitio Canlasga, Brgy. Cambarus, Pontevedra Negros Occidental.
Natabo ang insidente ala-1:30 sang hapon, Hunyo 24, sa purok Enyam, Brgy. Cambarus, Pontevedra. Base sa pahayag ni Mila Handomon tiya ni Sarmiento nga mga 1:30 sang hapon samtang naga bao- bao sang talamnan sang humay ang biktima hinali lamang nga nag ulan gani ginpakamaayo sini nga magpasilong sa kasagingan kag tungod ang lugar makabig nga open field, diri sya kag naigo sang kilat.
Gilayon naman ini nga gindala sang mga katapo sang Pontevedra rescue team sa municipal rural health center, apang gindeklarar ini nga dead on arrival ni Doctor Johnson Zuloaga, attending Physisian sang rural health unit.
Sa karun ang bangkay ni Sarmiento ang yara na sa Abe Funeral Homes, sa Brgy. Recreo Pontevedra.
