Isa ka babayi sa Kansas ang nag-set sang bag-o nga Guinness World Record sa may pinakadamo nga portrait tattoo sang sikat nga singer nga si Madonna.
Si Tara Berry ang nag-ako nga fan siya ni Madonna halin pa sang tuig 1983 kun san-o nangin hit-single sini ang “Borderline.” 2016 sang una ginsuguran ni Tara pa-tattoo ang itsura ni Madonna, mismo sang tiyempo nga ginpanawagan sang artist ang kun sin-o nga fan sini ang may tattoo sang iya itsura.
Wala man naglaum si Tara nga ini man gali ang pagpanugod sang iya sunod-sunod nga pagpa-tattoo.
Sa karon, 18 kabilog na ang tattoo ni Tara diin tanan diri nawong ni Madonna. Ginakalipay man ni Tara kun may magpalapit sa iya kag nagadayaw sang iya tattoo.
Si Nikki Paterson ang sadto may uyat sang world record sang may pinakadamo tattoo sang itsura lang sang isa ka musician. Si Nikki ang may 15 ka portraits sang sikat nga rapper nga si Eminem.
