BACOLOD CITY- Nagbukas na kahapon, Hunyo 25 ang Marine Pollution Exercise (MARPOLEX) 2024 kaupod sang Philippine Coast Guard, Indonesia, kag Japan.
Base sa pahayag ni Coast Guard Vice Admiral Roy Echeverria, Exercise Co Director of the Philippines, nga tuyo sang MARPOLEX nga ma-refresh ang ihibalo sang tagsa ka mga coast guard pinaagi sa amo nga aktibidad, ilabi na sa pag-responde sa oil spill.
Yara man ang presensya sang Korea Coast Guard, Taiwan Coast Guard, US Coast Guard, National Southern Oil Spill Respon Center (NASOS) sang Vietnam, International Tanker Owners Pollution Federation Limited (ITOPF) sang United Kingdom, kag Oil Spill Response Limited from Singapore bilang partisipante kag observer sa amo nga exercise.
Natalana sini nga adlaw sang Miyerkules ang pagpatigayon sang search and rescue, firefighting, oil spill recovery operation, equipment recovery kag damage assessment operation.
