Naglab-ut na sa 4,030 ang total cases sang dengue sa Western Visayas umpisa January 1 tubtub June 22, 2024.
Sa datos nga ginpaguwa sang Department of Health (DOH) Region 6, Miyerkules, June 26, nadugangan sang 360 ang mga kaso sa rehiyon umpisa June 16 tubtub June 22 ukon sa Morbidity Week 25.
Mas taas ang 4,030 total cases kon ikumparar sa 3,212 cases nga na-record sang DOH sadtong 2023.
Ang probinsiya sang Iloilo ang nagapanguna sa may pinakamadamo nga kaso nga nagadangat sa 115 cases kag ginasundan sang Negros Occidental nga may 58.
Ang Aklan may 53 cases; Guimaras – 47 cases; Capiz – 31 cases; Antique – 29 cases; Iloilo City – 20 cases kag may pinakamanubo ang Bacolod City nga may pito ka mga kaso.
Sa mga natapikan sang dengue, 39 percent sang mga ini ang naga-edad sang one to ten years old.
