Kada sira klase masami ginapatigayon ang libreng tuli diin kalabanan sa mga ginapaidalum sa circumcision amo ang mga manog high school nga mga kabataan. Apang, sa Lapu-lapu City, Cebu, isa ka 26 anyos nga lalaki ang ginpaltak kun sa diin nakabaton pa ini sang P10,000 cash award halin sa ciudad.
Una na nga nagtanyag ang ciudad sang premyo sa kun sin-o ang pinakatigulang nga paltakon, kag maswerte nga nakakuha sang premyo si alyas Alfredo Jr. Mismo si Lapu-Lapu Mayor Junard “Ahong” Chan nakasaksi sa pagpaltak kay Alfredo.
Dugangan pa, isa sa mga nag-assist sa circumcision sini amo si Binibining Lapu-Lapu 2023 Cheron Kisses Co.
Sa kabilugan, kapin 1,350 ka mga kalalakinhan ang gin-circumcise sa aktibidad nga may tema “Transforming lives, one cut at a time” nga gin-umpisahan sang city government sang nakaligad nga Hunyo 14.
