BACOLOD CITY-Nagpanugyan ang Bacolod City Disaster Risk Reduction and Management Office (CDRRMO) sa mga manugbaligya natuhoy sa ila mga basura ukon mag-obserbar sang proper waste disposal agod malikawan ang pagbarado sang mga drainages nga nagatuga sang pagbaha.
Base sa interview sang DYHB kay Dra. Maria Laarni Pornan, head sang Bacolod CDRRMO nga isa sa mga nangin rason kun ngaa may yara sang pagtaas sang lebel sang tubig ukon pagbinaha sa pila ka bahin sang ciudad bangod sa mga basura nga nabara ukon natipon sa mga drainages.
Nagapadayon ang pagpanglimpyo sang ciudad sa mga drainages apang may pila ka mga pumuluyo kag mga vendors nga bisan diin lamang ginahaboy ang basura, amo nga masami ini nila ginapanugyanan.
Padayon ang pagmonitor sang CDRRMO sa mga lugar kun diin masami ginabaha agod mahatagan sang solusyon.
