Ang iban sa aton madamo sang may ginasunod nga pagpati. Labi na kun para ini sa gugma.
Kaangay na lamang sa isa ka bato sa Lake Holon South Cotabato diin ginadayo ini sang mga single sa pagpati nga makakita ang mga ini sang true love.
Ginakalingawan karon sa social media ang litrato sang mga hikers nga nagahalok sa dako nga bato bangud nagapati ini nga milagroso kag ginapamatian sang bato ang ila sini ginahutik nga wish.
Sa isa ka report, natukiban nga 97% sa mga tawo nga naghalok sa “mahiwagang bato” ang nagka love life.
Sa report sang Esquire Philippines nahibaluan nga ang Pilipinas ang may pinakadamo “Single” sa bilog nga Southeast asia country. Ikaw kasama, asta diin ang sarang mo ubrahon para makakita lang sang love life?
