Pilason ang isa ka pulis sa Kabankalan matapos ini gin-tiro sang isa sa duha ka mga subjects sa ila ginpatigayon nga buybust operation sa Sitio Magkinigkig, Barangay Tan-awan sa nasiling nga ciudad kaina sang aga, Hulyo 2.
Ang pilason nga pulis ang ginkilala kay PSSg Iric Montoyo, diin nakaangkon ini sang igo sang bala sa iya tuo nga butkon.
Samtang ang mga suspek naman ang ginkilala sanday Alvie Taco, isa ka High Value Individual (HVI) kag Criminal Gang Member kag upod sini nga si Joseph Sapu-an isa naman ka Street Level Individual (SLI)
Ang duha ka suspek ang nakuhaan sang kapin 20 ka gramo sang ginaalegar iligal ng droga nga nagabalor sang P136,000.
Sa pihak nga bahin, ginhingagaw naman dala sa ospital si PSSg Montoyo agud mabulong ang igo sini sang bala.
Samtang, yara naman karon sa kustodiya sang Kabankalan Police Station ang mga suspek diin magapangatubang ang mga ini sang kaso nga nga paglapas sa RA 9165 (Comprehensive Dangerous Drugs Act of 2002), illegal possession of firearms kag Frustrated Homicide.
