PROVINCIAL CAPITOL – Aminado si Governor Bong Lacson nga maapektuhan ang local sugar industry kun dayunon sang gobyerno ang pag-import sang 200,000 metric tons nga refined sugar sa bulan sang Setyembre.
Suno kay Lacson, may yara subong sang kakulang sang suplay sang kalamay kag hingyo sang mga sugar planters nga kun maga-import gid man ang gobyerno, kuntani subong na ini kag indi sa Setyembre.
Ginpabutyag sang gobernador nga kun magadungan sa pagbukas sang galing sa Setyembre ang sugar importation, magadamo ang suplay kag magaapekto ini sa presyuhanay.
Ang target, suno kay Lacson, nga mapabilin sa P3,000 ang kada sako sang kalamay.
