Magapasaka sang kaso nga graft and corruption ang grupo sang mga tenants sang Manokan Country batok sa city officials sang Bacolod antes pa man ang gintalana nga deadline sa Hulyo 5, 2024 nga pagbiya sa ila mga pwesto para sa redevelopment.
Para kay Atty. Brick Reyes sang Task Force Kasanag nga nagaupod sa mga tenants, wala ginakilala sang ciudad ang cultural heritage sang Manokan Country nga natukod paagi sa City Ordinance 16 series of 1983.
Dugang pa ni Atty. Reyes, na-deprive man ang kinamatarong sang masunod pa nga mga alkalde sang Bacolod bangud sa 40 years nga kontrata sang city government kag sang SM Prime Holdings Inc.
Si Atty. Jomax Ortiz nga isa man sa mga abogado sang tenants ang nagaduso naman sang nullity of lease agreement sa tunga sang city government kag sang nasambit nga kompaniya.
Nagapanindugan karon ang grupo nga indi magbiya sa ila pwesto.
