WORLD NEWS- Nagdangat na sa kapin 121 ka mga persona ang napatay, kag halos diri ang mga kababaenhan, samtang ginapatigayon ang religious gathering sa Uttar Pradesh, Norte nga bahin sang pungsod India.
Nagluntad ang insidente sa lugar kun sa diin ginapatigayon ang satsang, isa ka Hindu religious festival sadtong Martes nga adlaw, Hulyo 2.
Santo sa ginpahayag sang mga kapulisan, nangin triple ang numero sang mga indibidwal nga nagpadulong sa lugar, kun sa diin imbis nga 80,000 lamang ka mga indibidwal ang ginpahanugutan nga magtinipon-tipon, apang yara sa kapin 250,000 sa ila ang nagtambong sa amo nga kahiwatan.
Nagsugod ang kinagamo sang natapos na ang kahiwatan, kun sa diin pahalin na kuntani ang preacher sakay sa iya nga salakyan, apang gilayon nga nagdalagan ang mga deboto padulong sa iya agod suguran ang pagpangkolekta sang balas sa iya ginlabayan nga nalakip sa ila nga debosyon.
Bangod sa pagdugok sang mga pumuluyo, ila napanglapakan ang pila ka mga nagapungko kag nagakatin-katin, rason nga nagkalasamaran ang pila ka mga indibidwal kag pila diri ang mga nagtaliwan.
Ginkabig nga isa sa mga “deadliest disaster” ang nagluntad nga insidente sa sulod sang masobra isa na ka dekada.
