Kalabanan sa mga kabataan ang nalingaw gid magtinir sa mga internet café kag maghampang online games pareho sang DOTA kag COD kaupod ang mga tropa.
Kaangay na lamang sa natabo sa isa ka sultero sa Zhejiang province, China, sa diin nagsalig ang tag-iya sang computeran nga nagakatulog lang ang lalaki.
Natingala lang ang mga ini nga 30 ka oras ang nakaligad, wala ini sa gihapon makapauli sa ila balay.
Antis ini matabo, nadumduman sang tag-iya sang computer shop nga lawig ang nangin game session sang lalaki kontra sa iban niya nga upod.
Nagsalig lang ang tag-iya nga okay lang ini kag wala niya na ginpukaw pa ang lalaki bangud nagapangakig ini kun disturbuhon.
Apang sang daw nagduda na ang tag-iya sa kahimtangan sang bata, ginpalapitan niya ini kag ginhikap sa butkon, didto nabatyagan sini nga bugnaw na ang lawas sang biktima amo kun ngaa nagpangayo ini sa gilayon sang bulig sa kapulisan.
Didto na kumpirma nga wala na sang kabuhi ang sultero. Apang, wala man gin-disclose sang pamilya kun bala ano ang nangin rason sang kamatayon sini.
