PROVINCIAL CAPITOL – Gindayaw ni Governor Eugenio Jose Lacson ang mga administrative changes nga natuman sa Bacolod City Government sa idalom sang administrasyon ni Mayor Alfredo Abelardo Benitez.
Suno sa gobernador, makit-an na ang mga pagbag-o nga napatuman si Benitez kun sa diin partikular nga gintumod ni Lacson ang “ease of doing business” nga makaganyat sang madamo nga investments sa Bacolod.
Gindayaw man sini ang Bayad Agad Program ni Mayor Albee kun sa diin madasig nga makabaton sang ayuda ang mga nagakinahanglan nga pumuluyo.
Sa pihak sini, nagpamalibad si Governor Lacson nga hatagan sang rating si Mayor Albee sa nangin performance sini.
Samtang, nagalaum si Lacson nga matigayon ang plano ni Benitez nga underground cabling agud madula ang spaghetti wires sa Lacson Street nga isa sa pinakadaku nga pagbag-o nga ginpanawagan sa alkalde.
