Ginhatagan pagkilala sang Police Regional Office (PRO) 6 ang pulis nga napilasan sa buy bust operation sa Sitio Magkinigkig, Barangay Tan-awan, Kabankalan City sang Hulyo 2, 2024.
Si Negros Occidental Police Provincial Police Office (NOCPPO) Director Colonel Rainerio M De Chavez ang nagrepresentar kay PRO-6 Director Brigadier General Jack L Wanky sa paghatag sang PNP Wounded Personnel Medal (Medalya ng Sugatang Magiting) kay Police Staff Sergeant Iric Montoyo sang Kabankalan Component City Police Station.
Si PSSGT Montoyo ang na-confine sa Holy Mother of Mercy Hospital sa Kabankalan City matapos napilasan sa butkon.
Nadakpan sa nasambit nga buy bust operation ang mga suspek nga sanday Alvie Taco, isa ka High Value Individual (HVI) kag Criminal Gang Member kag upod sini nga si Joseph Sapu-an isa naman ka Street Level Individual (SLI).
Ang duha ka suspek ang nakuhaan sang kapin 20 ka gramo sang ginaalegar iligal ng droga nga nagabalor sang P136,000.
