Nagnubo sang 7.2 percent ang crime incidence sa Western Visayas sa una nga lima ka bulan sang 2024. Santo sa datos sang Police Regional Office (PRO) 6, nagdangat sa 4,820 ang crime incidents nga narekord sa Western Visayas halin Enero tubtob Hunyo.
Mas manubo ini sa 5,194 incidents nga narekord naman sa pareho nga period sang 2023. May pinakadako nga pagnubo sa eight focus crimes nga ginalakipan sang murder, homicide, physical injury, rape, robbery, theft, motor vehicle theft, kag motorcycle theft, sa diin yara lamang sa 958 incidents ang narekord sini nga tuig gikan sa 1,197 sang 2023.
Nagnubo man ang index crimes sini nga tuig sa 963 cases gikan sa 1,202 sang 2023, subong man ang non-index (less serious) crimes sa 3,857 incidents gikan naman sa 3,992 sang nagligad nga tuig.
Ang Negros Occidental Police Provincial Office (NOCPPO) ang nakarekord sang 36.54 percent nga reduction rate sa index crimes, ginasundan sang Capiz PPO sa 28.26 percent kag Iloilo PPO sa 21.07 percent.
Samtang ang highest reduction para sa non-index crimes ang narekord naman sa Capiz PPO nga nagadangat sa 32.21 percent ginasundan sang Antique PPO sa 20.41 percent kag Bacolod City Police Office sa 20.06 percent.
