WORLD NEWS- Opisyal nga nagpungko ang Labour leader nga si Keir Starmer bilang bag-o nga Prime Minister sang United Kingdom matapos nga gin-assign ni King Charles III sini nga Biyernes, Hulyo 5.
Ginpasalamatan ni PM Starmer si outgoing PM Rishi Sunak sa iya pinaka-una nga speech bilang pagpungko sa pwesto, iya man gindayaw ang mga nahimuan sini, kag dedikasyon sa iya nga nangin termino ukon pagserbisyo sa mga pumuluyo.
Nag-promiso si Starmer nga iya liwat ibalik ang pagsalig sang mga pumuluyo sa gobyerno sa idalom sang iya pagpamuno kag nagapati ini nga kinahanglanon sang pungsod sang “bigger reset” kag national renewal.
Naghatag man sang resignation address si outgoing PM Sunak matapos magpanaog sa pwesto bangod sa pagkaperde sini sa ginpatigayon nga general election, siya ang nagserbe bilang PM sa pungsod sumugod sadtong Oktubre 2022 tubtob Hulyo 2024.
