Igapasara na sang ciudad ang Fr. Ferrero Street sini nga Hulyo 22 agud masugdan na ang redevelopment sang Manokan Country.
Sa interview sang DYHB kay City Legal Officer (CLO) Atty. Romeo Carlos Ting Jr. ginpahayag sini nga Hulyo 20 pa sila magasugod pangkandado sang mga stalls sa Manokan Country.
May duha naman lang ini ka semana agud iplastar kag isaylo ang kontador sang tubig kag kuryente padulong sa ila temporary stall sa parking space sang SM City Bacolod.
Dugang pa ni Ting nga 24 tanan ka mga tenants ang nagpahayag nga magasaylo ang mga ini sa ila temporary stall sa SM.
Apisar may mga arrears pa ang mga ini sa ciudad, nagpasalig sila nga padayon lang sila nga magabayad bisan pa magsaylo na sila.
Pagpasiguro lang sang ciudad nga dapat magasunod sa gihapon ang mga tenants sa regulation sang building code amo kun ngaa pagahatagan lang sang temporary business permit ang mga tenants.
