Isa ka empleyado sang Department of Agrarian Reform (DAR) ang gin-tiro patay sang wala pa makilal-an nga suspetsado sa Purok Sandia, Barangay Mambaroto pasado las 8 kaina sang aga, Hulyo 8.
Ang biktima ang isa ka 57-anyos nga lalaki, DAR employee sang provincial government kag residente sang Brgy. East Proper, Candoni, Negros Occidental.
Sandig sa inisyal nga imbestigasyon sang Sipalay City Police Station, nagasakay sa iya nga XR125 nga motor ang biktima padulong sa Sipalay City sang hinali lang ini gintiro sang wala pa makilal-an nga suspetsado.
Duha ka igo sang bala sa ulo ang naangkon sang biktima. Nakita sa crime scene ang duha ka bala sang 9mm nga armas. Ginhingagaw pa dala sa Sipalay City Health Office ang biktima apang gindeklarar ini nga deas on arrival (DOA).
Dugang pa, gilayon nga nagpahamtang sang checkpoint amg otoridad sa Brgy. Mambaroto, Sipalay City agud madasig nga madakop ang may kahimuan sang krimen. I Sipalay PNP photos
