MURCIA- Posible nga gintutdan ang nasapwan nga kalabera sa kampo sang Hacienda Valing Barangay Blumentritt banwa sang Murcia, pasado las-4 sang hapon, adlaw sang Lunes, Hulyo 8.
Base sa interview sang DYHB kay Police Lieutenant Leo Anthony Genita, Deputy Chief of Police sang Murcia Municipal Police Station nga samtang naga-arado sa amo nga kampo si Noel Dolar iya nasapwan ang kalabera.
Ang kalabera ang wala na sang bagul sang nasapwan apang ini ang may ribs, spinal column, pelvic bone, kag tul-an sang iya nga tiil. Narekober man sang mga kapulisan ang underwear ukon brief nga nagaduag gray kag may nakasulat nga george sa hawakan sini, kun sa diin ginpatihan nga lalaki ang amo nga kalabera.
Ginapatihan nga ginhal-id lamang ang amo nga kalabera sa amo nga kampo. Tuyo nga igapadala sa Scene of the Crime Operation (SOCO) ang kalabera agod ma-process kag maka-request sang DNA test.
Nagapanawagan ang Murcia PNP sa karun sa mga himata nga may nadulaan nga magpadulong sa estasyon sa posible nga pag-identify sa amo nga kalabera bangod nahibaluan nga wala sang may narekord nga nadula sa amo nga banwa.
(sugpon sa next page)……………………………………………..
Maga-koordinar man ang mga kapulisan sang Murcia sa Bacolod City Police Office bangod may rekord ang ciudad sang Bacolod sang tatlo ka mga missing person sadtong Hunyo 2.
Madumduman wala sa gihapon sang impormasyon natuhoy sa kahimtangan sang tatlo ka mga missing person nga nanday Lorebelle Antiquerra, Joem Villacoer, kag Jonel Nangan sa Barangay Vista Alegre ciudad sang Bacolod.
Dugang sini, suno kay Trisha Antiquerra himata sang tatlo ka nga missing person nga wala sang underwear kaangay sang suksok sa kalabera ang iya nga live-in partner nga si Nangan, apang wala ini siya sang ideya natuhoy sa underwear sang live-in partner sang iya iloy nga si Villacoer.
