May duha na ka rekomendasyon ang mga eksperto halin sa University of the Philippines Los Baños (UPLB) para sa pagtapna sang fall army worms nga nagapanghalit sa mga pananom particular na sa Sur nga bahin sang probinsiya sang Negros Occidental.
Sa interview sang DYHB kay 5th District Congressman Dino Yulo, ginpahayag sini nga ang mga UPLB experts ang nagrekomendar sang pag-spray kag bio control para sa pagtapna sang fall army worms.
Apang ang pag-spray dapat nga maid-id sa diin kinahanglan nga isa-isahon ang puno sang mais ukon tubo agod masasa ang ulod sang pesticides.
Ang isa pa ka makatapna sa army worms suno sa mga eksperto amo ang bio-control ukon paggamit sang natural predators sa diin magapadamo sang insekto nga earwigs.
Ang earwigs suno sa mga eksperto ang nagakaon sang army worms.
Sa nahibaluan nga si Cong. Yulo amo ang nagdala sang mga UPLB experts sa Negros Occidental agod tun-an ang army worms nga nagapanghalit sa mga pananom. I Cong. Atty. Dino Yulo photos
