WORLD NEWS- Naguba ang isa ka ospital sang mga kabataan sa Kyiv, kapital sang Ukraine matapos ang pagpang-atake sang Russia, nga nagresulta man sang pagtaliwan sang 33 ka mga indibidwal sa kabug-usan nga pungsod.
Indi magnubo sa 19 ka mga indibidwal ang napatay sa Kyiv, lakip diri ang duha ka mga nagtaliwan sa Ohmatdyt Children’s Hospital- pinakadako nga pediatrics facility sa Ukraine nga nakaangkon sang tuman ka dako nga kahalitan sa amo nga insidente.
Suno sa head sang military administration sa central Ukranian City sang Kryvyi Rih, yara sa napulo ka mga tawo ang nagtaliwan sa amo nga lugar, tatlo sa Pokrovsk, kag isa sa Dnipro.
Si Ukrainian President Volodymyr Zelensky ang nagbisita sa Poland agod magpirma sang isa ka kasugtanan natuhoy sa seguridad kag nagsumpa nga magtimalos.
