WORLD NEWS- Ginkondenar ni United States President Joe Biden ang missle strikes ukon pagpang-atake sang Russia sa Ukraine nga ginkabig nga brutal nga pagpang-atake.
Nagdangat na sa kapin 38 ka mga persona ang nagtaliwan sa amo nga insidente. Nagpanumpa si Biden nga pabakuron ang air defense sang Kyiv.
Nakarekord ang Ukraine sang kapin 190 ka mga indibidwal ang pilason matapos ang pagpang-atake, lakip na ang Children’s Hospital sa Kyiv.
Ginpanginwala sang Russia nga sila ang sa likod sa pagpang-atake sang ospital, apang suno sa United Nation dako ang posibilidad nga Moscow ang sa likod sini.
